好多謝阿媽當日打到我咁大

1454572315_f594
圖片來源:蘋果日報
我記得我細個嗰陣,家教好嚴,有咩唔啱就比阿媽用籐條捉住嚟打,打到手手腳腳都有籐條印。返幼稚園我記得高班嗰年可能我哋玩得太嘈,比老師叫晒我哋出班房門口,出晒去先一個一個咁叫返我哋入嚟,自此之後我哋就知道上堂時要專心聽老師話。

放假嘅時候喺屋企試過踢波射爆咗疊碗,又係比阿媽吊起嚟打,令到我知道踢波要去足球場。又試過因為想買嗰時好興嘅魔神英雄傳公仔(萬寧嗰陣賣$70一個,細個零用得$2一日)而第一次學偷阿媽枱面啲錢去買,佢打我之前問我「呢隻公仔幾多錢一隻?」,我話「8蚊!」「我而家比80蚊你你走去買10隻返嚟!」阿媽一句就KO咗我,跟手就隨便手執一個膠衫架行我刑。就係咁又教曉我唔可以講大話或者講大話要自己兜得到,呢啲就係我嘅人生。 繼續閱讀 “好多謝阿媽當日打到我咁大"

廣告