你覺得郭富城今次套結婚禮服唔靚?其實深遠嘅寓意你係睇唔透

9003
城城今時今日嘅地位,唔好講到話億萬富豪,簡單請個形象指導真係一啲都唔難。你覺得佢作為藝人咁耐,真係會自行裝扮自己搞到今日個LOOK咁多負評咩?其實城城結婚呢個LOOK真係好多寓意,你地班普通人都真係睇唔明。
首先城城平時個頭GEL到咁靚,《寒戰2》就算佢染咗啲白髮加咗蒼老感都係正都爆燈,只要將寒戰個頭染返黑,你話佢係2017最型新郎都冇男人敢反對啦!點解佢會咁on99咁整個的水比人笑丫?如果唔係形象出錯,小弟只係諗到一個原因,就係城城憑住個呢個on99嘅頭帶出一個信息:「今次結婚你地班人覺得好我on99?係,我都覺!」。

9001
仲有呀,平時啲髮gel整到城城咁鬼型仔,點解結婚個日可以好似Gel唔起咁?你地係女人嘅話可以問一問男人,有咩時候係用Gel都Gel唔起個頭?咪「洗濕咗個頭」嗰陣囉!點解要結婚呀?洗濕咗個頭,返唔到轉頭囉,至於係咩原因,結婚當日套衫可以參透一二。
城城嗰日套裝,老實講我真係唔多接受到,純白色裇衫紅煲呔配西裝,唔講以為佢參加小學朗誦比賽呀!但係城城又點會咁容易時裝車禍丫,佢套衫我一望就諗起一個人,就係曾蔭權。曾任蔭近排衰咩?衰貪囉,只係曾貪嘅係錢,郭貪嘅係幼啫。而成身裝束都不見一絲穩重感覺,少埋條腰封鈕又得返一粒,好似比人洗劫完一輪咁,係咪寓意緊貪字得個貧,呢個就不得而知喇。
9004
總結一下城城今次結婚LOOK,係帶比世人嘅一個信息:
「你地覺得我同佢結婚好7?我都覺。但真係冇計洗濕咗個頭返唔到轉頭。咁多位男士,遇著啱嘅樹唔好再去森林度一直搵,貪字得個貧,今次我跌落呢個黑洞,都唔知要搵幾多錢貼佢喇。」—城城個look (19/4/2017)
9005
Moka包住曬Aaron等佢走唔甩,呢個意境真係好高。
另外郭富城作為一名牌表公司全球優雅代言人,在這重要的一天,品牌都好配合,特地送上「Conquest Classic征服者」系列對錶作為結婚禮物,還在錶底蓋均刻兩人英文名字縮寫(M&A)的心型圖案,真的超有心!以女方的英文名字Moka的「M」字組合成心形,配上郭富城英文名字Aaron的「A」字在內,象徵著Aaron被愛滿滿包圍著。邊個征服邊個,邊個食咗邊個,我睇完個Logo,真係睇唔透。而城城能夠利用埋錶廠來營造出咁深遠嘅意思,知道真意嘅Fans應該會仲傷心。
廣告

發表迴響

Please log in using one of these methods to post your comment:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s