DSE題目:我在____之中找到快樂

blog2016040601

「我在剛好上到巴士之中找到快樂」

我一直好嚮往每朝返學嘅時間,因為我嘅時間管理很好。

會準時7時起床,用5分鐘時間梳洗,用10分鐘時間整個腸仔煎蛋加多士。

我好清楚由屋企行去巴士站要預留10分鐘嘅時間,而站前嘅紅綠燈會在7時26分轉綠燈,所以每天都可以計準時間行到斑馬線前嗰陣,車子都像恭候大駕咁為我讓路。

而我,亦會望向馬路嘅左邊,看著我即將要乘坐的K12司機輕輕點頭問好。最後走過斑馬線,綠燈變回紅燈,巴士徐徐停在我的面前,乘坐巴士上學去。

於7時59分到達學校,去學習老師準備給我們嘅知識。

日日如是,時間一秒都冇浪費。我很快樂。

今日,我如常咁喺7點15分出門口,入到𨋢想閂閘時有個大媽大叫「唔好閂呀!」,我諗起老師的說話,所以我按了開門掣,而大媽亦可以㩒住度𨋢門入來。

「好彩㩒得住度門唧,一個人搭𨋢想做𨋢霸咩!」大媽入到嚟第一句同我講。
「姐姐,我有㩒⋯⋯」
「咩呀!我自己擋住度門㗎!」我冇再出聲。

因為等了大媽用多咗20秒,所以一出𨋢口就想加快腳步跑去巴士站,途中唔小心踩中水坑整濕咗條裙,撞到明明係唔睇路嘅叔叔,但因為保持好孩子形象,我企喺度同佢講咗三次對唔住先走。

遲咗20秒而被紅燈擋住未過馬路的我,眼看巴士已經上緊客,當再轉綠燈我用盡所有力氣衝刺,但係司機見唔到我跑過去嘅身影,開走了。

我,送咗車尾。

最後等咗15分鐘先上到車,遲咗返學,被記了個缺點。

因為要做好孩子,所以我唔可以剛好上到巴士,我係好孩子,但我不快樂。

廣告

發表迴響

Please log in using one of these methods to post your comment:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s