【好人成魔記】如果你開post唔係踩人唔好嘅話就一定係廣告

 

圖片取自Facebook大埔谷

Chloe同Josephine平時成日孖住出街玩,吃喝玩樂,假日就鍾意relax吓,為人都幾正面,靚嘅嘢就影低佢,好食嘅又會影,好玩嘅又會影。自從有facebook之後,佢哋會將佢哋覺得好嘅嘢放喺facebook分享仲開咗個帳戶叫《CJ好事分享》,佢哋啲朋友睇完之後,有啲會走去又試下,好不快樂。

 

近年來睇住香港有人「被消失」的新聞,佢哋好難過,但係CJ並冇放棄分享自己遇上嘅好人好事,總希望用自己的正面訊息來撑過社會不公義的負能量。新年人日,CJ兩個去咗一間新開幕嘅按摩院做個泰式massage,環境企理、待客有善、價錢又接受,喺裡面享受咗個舒適嘅下午。CJ兩個同平時一樣將呢個下午嘅好事拎出嚟同大家分享。

「幾好喎!等我得閒又試下先」「價錢係點㗎?有冇影pricelist睇下呀?🙏🏻」「有冇焗買套票㗎?」佢哋離開咗按摩院,仲話去飲杯嘢,二人喺行緊去搵地方坐低嗰段時間,網友就留言問問題,網上互動交流就咁樣進行的,直至CJ搵咗Starbucks坐低。

「冇呀,我哋只係按腳,百零蚊囉。」「冇影喎,早啲知道就影比你睇下嘅。」對住十幾個人提問,連接咗wifi之後選擇咗幾個人嘅問題回應,之後開始自拍下飲咖啡再講咗個幾分鐘嘅電話。誰知道呢個電話過後,先係惡夢嘅開始。

「打手!」網友Alan突然發言。

「喺度賣廣告」另一網友Bee和應。

CJ二人即時面色一沉,四眼對望,心諗明明自己真金白銀付出換取服務,覺得人哋手勢好出個post讚揚一下,本來就係自然不過嘅事,點解突然間會被人睇成收咗人錢賣廣告?

「我真係試咗㗎喎⋯⋯」「我覺得佢哋好先想表揚下的」佢哋好努力咁想辦法回覆,因為佢哋同其他人一樣,根本就唔鍾意蒙受不白之冤。

「做咩腳吖,擺明做馬添啦!」「點解要用分身?」「駛唔駛咁hard sell呀?收咗人幾錢?」佢哋越回覆,網民就越海量咁質疑佢哋。

「我上網問咗價喇,都幾貴喎成百幾蚊做一次」「係啦都話佢哋係打手啦,我上次去樓上間大媽泰式按摩都係收我$88咋,呢間$148咪鬼喺度扮客呃人啦!」雖然CJ二人好努力咁想辦法回應同解釋,但係面對呢班「打手」將佢哋嘅開心分享「被廣告」,完全覺得自己好似比人用刀行住條頸,非要承認佢哋係賣緊廣告不可。

冤屈令到佢哋飲緊嘅Cappuccino仲苦過Espresso,二人無癮咁樣講咗拜之後隔咗幾日都冇再聯絡。

幾日之後,Chloe打比Josephine約出嚟玩,見面嗰陣Chloe發覺Josephine雙眼無光,神情落寞,Chloe作為好朋友為咗想Josephine開心下就提議「我哋再去搵開心嘢share吖好嗎?」Chloe捉住Josephine隻手想好似平時咁拉佢行嘅時候,Josephine停下腳步,雙眼血紅,面部蒼白,完全同平時健康開朗嘅Josephine判若兩人。最後,佢同Chloe講:

「咁正面有咩用?到頭來只會被廣告、被滅聲、被消失。呢幾日,我嘗試唔share,去每個討論區嘅每一個分享post話人打手,賣廣告,見到樓主忙住解畫,只需要不斷話佢哋打手、賣廣告,就可以令佢哭笑不能,比起我哋平時開心share,又簡單又能獲取快感。Chloe⋯⋯你都一齊陪我吖好嗎?」

完。

廣告

發表迴響

Please log in using one of these methods to post your comment:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s