你們不得不認大台的實力(?)

1428823976_4634
圖片來源:壹週PLUS

大家好,魚蛋灣細佬一個,住係香港,土生土長。話說前幾日細佬同倉務員食飽飯搭巴士返屋企,就見到一個阿媽抱住個太約三四歲既小朋友喺度睇手機,本來係而家呢個時代是非常普通不過嘅事,但係最令我感到興趣嘅係,那個小朋友係跟住電話唱緊大台之前劇集《實習天使》主題曲(吳若希唱架呢), 而且亦都唱得非常有音調,起碼我聽得明佢唱咩,所以古語有話 ❨你阿媽睇大台,你的孩子也會唱大台❩。

作為一個經歷睇電視撈飯時代嘅80後,喺我個陣最認識嘅電視世界主要有大台同二奶台,(當然亦有一班打唔通熱線取消唔到K台嘅觀眾)。兩台幾十年嚟曾經都你爭我奪,亞視都真係永恒過。但去到今日,二奶台已經氣數已盡,

以不斷重播六合彩,9x年亞洲小姐,同我和疆屍不斷約會等。所以係呢度我都唔多詳述。

細佬曾經係二奶台工作過兩年打雜,之後轉左去大台門口個巴士站掃地,而係差唔多時間陳展鵬先生亦都跟住我(咁當然係人哋嘅角度就我跟住佢啦)由二奶台過檔大台更成為一線小生亦係近年最受觀眾讚賞的一人,而且見證到大台確實有令人起死回生的奇妙能力,亦有賴廣大香港市民對大台愈鬧愈睇,先可以做就到更多新小生花旦。

回想起自己細細個睇嘅大台出品劇集,例如西遊記,封神榜,十月初五的月光,裡面對白又或者主題曲,係自己細細個時候,你唔睇你係跟唔到朋友同學仔話題,估唔到去到而家,大台劇無以前咁吸引,又或者你覺得吳若希唔係唱得好,係靠後台所以套套劇集主題曲你都要聽到佢把聲,但係大台始終都係大台,佢嘅(實力)始終你不能不認同 ,佢係可以令一個三歲小朋友可能連A-Z都未搞掂而佢真係識唱哂成首吳若希!(點解既點解既?)呢種實力比起一班怪獸家長比幾千蚊玩playgroup學習更易

相信黎緊大家都會KEEP住愈鬧愈睇,吳若希一定會紅到去越南…..

Facebook:https://www.facebook.com/chanchanlok?fref=ts

 

廣告

發表迴響

Please log in using one of these methods to post your comment:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s