【首先你要系列】其實拜年有咩好怕喎

2016020601

每年年初二,按每年計劃都會全家去阿媽嗰邊拜年,坐車去到大舅父間屋,齊晒人個陣都廿幾三十人,有老有嫩咁迫晒喺個500零呎嘅單位度。除過鞋入門口後,已經見到舅母整好晒成枱餸,等人一到齊二三十人一齊開餐,好不熱鬧。

通常都係阿媽嗰代一堆,而做阿仔阿囡就一堆咁圍埋嚟食飯。大家爬咗兩啖之後,表哥就開始問我喇。

「表弟,你間舖仔搞成點呀?」
「幾好吖,養我唔肥餓我唔死咁囉。」
「咁咪好囉,但睇住喎,今年市道未必太好喎,宣傳嗰啲嘢諗過先喎小心收唔返本喎。」
「唉我都愁緊」
「但又唔怕喎,等我教你啲方法啦」近幾年因為我開舖頭仔,表哥開始每年都同我講咗幾個秘方,佢個人又真係幾醒,每年都喺佢身上聽到幾樣從商技能。

講咗20分鐘左右,話題開始轉咗落去成枱最細既表弟度。

「阿文咁你呢?」「咪一直做緊物流囉,我都想搵多啲嘢搞下。」「喂你又開舖頭,阿文你又搞物流,不如又試下咁睇下點吖?」表哥個老婆又分析緊佢工作得出嚟既經驗比我哋參巧,表弟聽完又學到佢之前一直唔知既智識。

就係咁樣傾到食完飯,分車再去太婆屋企時,大家都好想快啲到步,探太婆之餘繼續頭先的話題,直至下午3點幾,拜年活動完結,大家都依依不捨。因為大家都知道,香港雖細,但在一個大家都拼命地生存的環境下,實在唔係話想見就見咁簡單。

近年嘅農歷新年前,都會見到好多人話討厭拜年乜乜乜,一時又好怕被三叔搭住膊頭問「拍拖未呀?」好困擾,一時又話被四姨媽撓住二郎腿問你「而家搵幾錢個月呀?」好難受,總之搞到好似要避年獸咁樣。

只要你的家庭或者家族,唔係一群冇腦的廢青廢老,大家都係緊貼社會,大家都有共同的話題,其實拜年有咩好怕喎~

祝大家新年快樂喇:)

Wing Yip | 建立你的 Facebook 電子名片

廣告

發表迴響

Please log in using one of these methods to post your comment:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s