【我知好多人都識但我都要講鬼叫我第一次見咩】Gmail merge

001

因為我公司個新購物平台做唔到以前有的「儲分」優惠計劃,所以當時決定用「現金優惠券」嘅方式將客戶之前儲落的積分等值換成coupon派比客人。

問題就嚟喇,因為我每個客人都有唔同嘅現金積分,雖然我已經忍痛將佢哋分成5個組,1-10分我派$10、11-20分派$20等等(呢個決定我計過,啲客用盡晒的話真係好甘),但仍然要派出超過2000張,而每張coupon都係獨立號碼。

我呢啲智將倉務真係好醒咁每次㩒「撰寫」> paste原文 > 去搵返個位paste優惠碼 > paste 電郵 > paste主旨 > check冇漏先發信,咁一封信就用咗我30秒,2000封的話就會用我超過16個鐘!仲未計自己整錯要重發喎!

中段我仲以為好醒咁將內容paste去「簽名」,每次打開就見晒內容做少一個步驟,但係做完$10(最多)已經想桶死自己算。最後覺得冇理由冇方便啲嘅方法就走去問人啦,問就梗係上全能嘅Facebook啦。一問就問到有個mail merge嘅keyword,就係咁樣,而家我發個電郵都只係幾分鐘嘅事,而且仲唔使特別每封校對添!

001

首先建立Google試算表

002
基本既輸入係咁既,最緊要個清清楚楚,而排列順序係自己訂的,但一定要打直。
003
然後輸入咗資料之後按「工具」> 取得外掛程式,然後找一個叫做「Yet Another Mail Merge」既程式下載。

 

004
跟住就可以先入去gmail撰寫任何嘢(如上圖),大家可以睇到,我特登將要改的資料變成「<<第一欄名稱>>」,到時佢會排好隊入資料的。
005
開始合拼郵件後,佢就會自動幫你傳送郵件喇

我今日新增呢個功能嗰陣,每24小時可發50個電郵,比年費嘅話可以加到每24小時400個電郵。但係原來早兩年係免費send 400個囉……

搞掂之後就可以確定送出,成功完成佢就會喺最後一列度有個「sent」、如果email位空白或者唔係email格式佢會顯示「ERROR」,但係如果係啱格式但打錯字,佢都會send的,只係之後會收返個回件。

006
可以用到「確認郵件是否已被開啓」功能,你就可以睇到邊個打開咗同幾時打開,用呢啲數據嚟做其他Follow-up行動,真係好方便的。

今日學到呢度,下次有新嘢學到會同大家分享吓:)
Wing Yip | 建立你的 Facebook 電子名片

廣告

發表迴響

Please log in using one of these methods to post your comment:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s